top of page
Anna Mae "Anime" Yu Lamentillo Logo

Walkable Cities

Anna Mae Yu Lamentillo

Originally published in Night Owl: A Nationbuilder's Manual (Edisyon sa Hiligaynon)


Suno sa World Health Organization (WHO), may 1.35 milyon ka tawo ang nagakalamatay kada tuig bangud sa disgrasya sa karsada kag indi magnubo sa 20 milyon ukon kapin pa ang nakaagom sang halit kon sa diin madamo ang nakaangkon sing pagkabalda sa lawas. Masobra sa katunga sang tanan nga namatay sa trapiko sa karsada nagalakat, nagabisikleta, ukon nagamotorsiklo. May 93 porsyento sang mga pagkamatay sa karsada natabo sa mga low kag middle-income nga pungsod, bisan pa ang mga pungsod nga ini may 60 porsyento sang mga salakyan sa kalibutan. Ang mga disgrasya nga ini, nga mahimo likawan, nagaabot sa kantidad nga indi magnubo sa tatlo ka porsyento sang gross domestic product sang pungsod.

 

Ang 2030 Agenda for Sustainable Development, nagplano nga buhinan sing katunga ang pangkalibutanon nga isip sang mga nagkalamatay kag halit gikan sa mga bunggoanay pag-abot sang 2020. Gintib-ong sang WHO ang "Safe System Approach" isa ka pamaagi sa pagkonsidera sang mga kahinaan sang mga nagagamit sang karsada

 

dala na ang pagkasayop sang tawo. Halimbawa, ang mga drayber nga nagagamit sang mga mobile phone, bisan pa hands-free ukon hand-held apat ka beses nga mas laban masangkot sa isa ka pag-crash sang sa ang mga drayber nga wala nagagamit sang mobile phone. Ginapanugyan man sini ang pagpatindog sang mga footpath, cycling lane, safe crossing points, kag iban pa nga traffic calming measures.

 

Sa Pilipinas, madali batunon nga ang pag-uswag mas nakatuon sa kaayo sang car mobility. Ang mga nagalakat indi nangin prayoridad sa pagplano sa kadam-an nga mga urban center.

 

Antique Esplanade

Sa pagtinguha nga makahatag sang seguridad sa karsada para sa mga siklista kag pedestrian, ang Department of Public Works and Highways (DPWH) nagbukas sang 5.58 kilometro nga bicycle lane facility sa kalabaon sang Laguna Lake Highway sa Bicutan, Taguig City sadtong Pebrero 7, 2019, tatlo ka bulan lamang matapos ang pagkumpleto sang Laguna Lake Highway.

 

Apang ang imprastraktura sang sa mga pangpubliko nga karsada indi lamang sa Manila kundi pati man sa iban nga mga lugar sa Luzon, Visayas, kag Mindanao.

 

Halimbawa, ang Cagayan de Oro (CDO) Coastal Road isa ka 12.77 kilometro nga bypass road ginasaligan magapadali sang pagsulod sa nasidlangan nga bahin sang Macajalar Bay sa CDO, Gingoog sa Bukidnon, Misamis Oriental, kag CARAGA, ginpatindog man nga may bicycle lane. Naga-umpisa ini sa Brgy. Gusa sa nasidlangan nga bahin tubtob sa nakatundan nga bahin sang Brgy. Igpit, Opol sa Misamis Oriental. Ginasaligan nga 20 minuto lang ang oras sang biyahe halin sa Laguindingan Airport pakadto sa city proper bangud sa proyekto.

 

Ang isa pa ka proyekto sa Mindanao, nga may dala nga bicycle lane ang Davao City Coastal Road, isa ka 18 kilometro nga karsada halin sa Jct. Bago Aplaya (Bagatnan) tubtob sa Sta. Ana Wharf pakadto sa R. Castillo Street.

 

Davao City Coastal Road

Sa Visayas, ginhatagan man sang opsyon ang mga pedestrian nga magbisikleta ukon maglakat sa kalabaon sang Bacolod Negros Occidental Economic Highway, isa ka 21.8 kilometro nga karsada nga magaserbi alternatibo nga ruta nga alagyan sa sulod sang Bacolod City, pakadto sa Bacolod Silay Airport kag iban pa nga destinasyon pangturista.

 

Ang Leyte Tide embankment project, isa ka 27.3 kilometro nga istraktura pangpa-iway sa baha halin sa Brgy. Diit, Tacloban City asta sa Brgy. Ambao, Tanauan, Leyte nga ginpatindog agud protektahan ang mga komunidad nga malapit sa baybayon sa makaguloba nga epekto sang mga storm surge makaangkon man sang imprastraktura para sa pedestrian.

Anna Mae "Anime" Yu Lamentillo Logo

Join our mailing list

Be a Night Owl Insider and Stay Informed About the Journey. Subscribe today!

By clicking Subscribe, I agree to allow Night Owl to use the information I provide to keep me updated on Night Owl updates via email.

Thanks for subscribing!

Content Preview

Night Owl logo

Night Owl: The Nationbuilder's Manual

  • Facebook
  • TikTok
  • Instagram
  • YouTube
  • Facebook
  • Amazon Music
  • Amazon Author
  • Spotify
  • Soundcloud
  • Apple Music
  • Apple Podcast
  • Tidal

© 2017-2024 Night Owl by Anna Mae Yu Lamentillo

Distributed by Manila Bulletin Publishing and Little Ninja, Inc.

bottom of page