top of page

Pagtukod og mga Bike Lane

Anna Mae Yu Lamentillo

Sa didto ako sa Massachusetts niadtong 2020, gilusad sa kagamhanan sa Boston ang “Go Boston 2030 Vision Framework,” nga nagtinguhang palig- onon ang dakbayan isip “most walkable city” sa America pinaagi sa pagtukod og mga imprastrakturang magpanindot sa pag-access sa mga manglakaway, o manggamitay og bisikleta o scooter. Buot nilang mousbaw og 50 porsento ang mga tawong maglakaw sa trabaho ug mosaka og upat ka pilo ang nanagbisikleta sulod sa mosunod nga 10 ka tuig.


Kini na ang uso sa daghang progresibong dakbayan sa tibuod kalibotan. Kamatuoran, sukad niadtong 2007, ang Boston nagtukod og kapin sa 144 ka kilometrong mga bicycle lane. Sa Denmark, naghimo sila og “cycle superhighway” nga misakop sa kapin sa 20 ka dakbayan ug kalungsoran. Sa Amsterdam, ang mga mahiligon sa museyo mamahimong moabot sa Rijksmuseum, usa ka ika-19 nga siglong museyo nga bantogan sa Rembrandt’s Night Watch.


Sa Pilipinas, wala kaayoy pagpaluyo sa regulasyon o imprastraktura nga motubag sa mga panginahanglan sa mga siklista ug pedestrian. Ingon sa imposible ug dili luwas nga maglakaw o magbisikleta sa daplin sa mga nasodnong kadalanan.


Metro Cebu Bikelanes

Niadtong 2011, gisusi sa Asian Development Bank ang walkability ug mga pasilidad sa pedestrian sa mga dakbayan sa Asya. Gipakita niini nga sa Manila, sama sa Hanoi, dakong gidaghanon sa mga biyahe ang mamahimo pinaagi sa paglakaw ug pagbisikleta.


Ang datos gikan sa Metro Manila Urban Transport Integration nagpakita nga dul-an sa 35 porsento sa mga destinasyon anaa lang sulod sa 15-minutong paglakaw o bicycle trip, apan kadaghanan sa mugbong mga biyahe gihimong paratransit (mga jeepney ug tricycle) ug mga sakyanan.


Sa maayong kapalaran, ang pananaw alang sa imprastraktura sa Pilipinas paspas nga nausab.


Himoong mandatory na ang mga bicycle lane sa PH

Sa ilawom sa Department Order 88 nga gipagawas ni DPWH Secretary Mark Villar, ilakip sa disenyo sa tanang proyektong may kalabotan sa bag-ong pagtukod og kadalanan ug taytayan ang paghatag og mga pasilidad sa bisikleta, kon mahimo.


Ang mga proyekto nga sama sa 6.94-kilometrong Laguna Lake Expressway maoy mahimong panukdanan. Ang tulo ka metrong gilapdon nga protected bike lane duol nang mamahimong ordinaryo imbes bugtong nga toll-free expressway nga nagsumpay sa Bicutan sa Taytay.


Sukad niadtong 2016, gipaningkamotan sa DPWH nga ikuyog ang imprastraktura sa pedestrian sa mga pangpublikong kadalanan sa Luzon, Visayas, ug Mindanao. Ug ang pagpagawas niining bag-ong regulasyon nagtinguhang ma-institutionalize kini.


Ang Cagayan de Oro Coastal Road, Davao City Coastal Road, Leyte Tide Embankment Project, Pasig River Flood Control Project, Tagaytay Bypass Road, Bacolod Economic Highway, Antique Esplanade, Sorsogon Coastal Highway, ug Boracay Circumferential Road, gitukod nga adunay bicycle lane.


Laguna Lake Highway
Mga Klasipikasyon sa Pasilidad sa Bisikleta

Ilawom sa DO 88, ang mga pasilidad sa bisikleta adunay tulo ka matang: Class I o ang Shared Use Bike Path, Class 2 o ang Separated Bike Lane, ug Class 3, ang Shared Roadway.


Sa Class I, adunay gilahi nga agianan alang sa eksklusibong paggamit sa mga bisikleta o ibahin sa mga pedestrian. Sa Class 2, ang usa ka bahin sa agianan, nga gigahin alang sa eksklusibong paggamit sa mga bisikleta, mailhan pinaagi sa usa ka strip sa pintura o ali. Sa Class 3, diin ang limitadong gilapdon sa dalan nagdalit og suliran, usa ka bahin sa dalan ang opisyal nga igahin ug markahan isip ruta sa bisikleta mahimo usab gamiton sa mga sakyanang de makina. Dili madugay, mamahimong cycling country sab ang Pilipinas.

Anna Mae "Anime" Yu Lamentillo Logo
bottom of page