top of page

Iti Uneg ti Lima a Tawen: 5,950 a Rangtay

Anna Mae Yu Lamentillo

Originally published in Night Owl: A Nationbuilder's Manual (Edision nga Ilokano)


Segun iti World Risk Report, ti di umdas ken di napintas nga impraestruktura ken nakapuy a logistic network ibungana ti dakkel a peggad a ti maysa a nakaro a natural a kalamidad, agbalin a nakaro a pakadidigraan. Adda ti Filipinas iti Pacific Typhoon Belt ken iti sakup ti Pacific Ring of Fire. Ti lokasion heograpia ti pagilian ti nangisaad iti daytoy kadagiti natural a peggad. Maibatay iti 2017 World Risk Report, maikatlo ti Filipinas kadagiti 171 a pagilian a karirisguan kadagiti natural a kalamidad ken peggad a kakuyog daytoy.

 

Nangato ti vulnerability dagiti rangtay. Manipud idi Hulio 2016, nakompleton ti  DPWH ti agdagup iti 5,950 a rangtay--1,389 ditoy ti na-rehabilitate, 1,366 ti napalawa, 355 ti kaar-aramid, 297 ti nasuktan, ken 1,805 ti na-retrofit. Naaramid met ti 738 a local a rangtay.

 

Mairaman ditoy ti pannakasukat ti 365-metro a Lisap Bridge iti Calapan South Road

Bongabong, Oriental Mindoro, a mamagkamang iti Barangay Lisap ken Barangay Hagan, a naileppas idi Pebrero 2018, ken ti pannakaikalawa ti 650-metro a Governor Miranda Bridge II, nga agserbi a kangrunaan a dalan dagiti motorista manipud iti Davao City a mapan iti sabali a paset ti Davao Region.


Cebu Cordova Link Expressway

Ti pannakaikalawa ti 140-metro a Davao River Bridge (Ma-a Bridge) iti Davao City Diversion Road, naileppas idi Abril 2018. Naikabassit ti oras ti biahe iti nagbaetan ti Barangay Ulas ken Barangay Buhangin iti 62.5 porsiento, manipud iti 80 a minute nagbalinen a 30 a minuto. Adda 31,576 a motorista iti kada aldaw ti mabenepisiaran.


Malaksid daytoy, addan 83.84 a porsiento a nakompleto iti 8.5-kilometro a Cebu-Cordova Link Expressway (CCLEX) a mamagkamang iti Cebu City ken Cordova. Inton malpas, daytoyto ti kaatiddogan a rangtay ti Filipinas.

 

Metro Manila Logistics Network

 

Kas nayon dagiti 30 a rangtay a mangballasiw iti Karayan Pasig, Marikina River, ken

iti Manggahan Floodway, nga ar-aramaten ti mapan a 1.30 a milion a lugan iti inaldaw, 11 a baro a rangtay ti maipasdek iti lugar tapno maikkan iti alternatibo a pagnaan nga agturong kadagiti kangrunaan a kalsada ken mapaadu dagiti mabalin a pagnaan. Daytoy met ti mangpalukay iti trapiko iti Epifanio de los Santos Avenue (EDSA) ken kadagiti dadduma pay a kangrunaan a kalsada iti Metro Manila.

 

Nakompletomin ti feasibility ti innem a kalsada iti babaen ti Metro Manila Logistics Network, karaman ditoy ti North ken South Harbour Bridge, ti Palanca Villegas Bridge, ti East West Bank Bridge 2, ti Marcos Highway - St. Mary Avenue Bridge, Homeowner's Drive - A Bonifacio Bridge, ken Kabayani St. - Matandang Balara Bridge.

 

Nakompleto metten ti BGC Ortigas Link Bridge, a nalatlatak iti awagna a Kalayaan Bridge. Ti four-lane bridge iti Pasig River a kumamang iti Lawton Avenue iti Makati City, Sta. Monica Street iti Pasig City, ken Bonifacio Global City iti Taguig, ket epektibo a nangkissay iti oras ti biahe iti i di nababbaba iti 80 a porsiento – manipud iti maysa nga oras iti 12 a minuto laengen.


BGC Ortigas Link Bridge

Naileppas metten ti Estrella-Pantaleon Bridge, a mamagsilpo iti Estrella Street iti Makati ken Barangka Drive iti Mandaluyong, ken maserbianna ti mapan a 50,000 a lugan iti inaldaw.

 

Ti Binondo-Intramuros Bridge, a 72 a porsienton a kompleto, pagkamangenna ti Intramuros manipud iti Solana Street ken Riverside Drive ken mamagkonektar iti Binondo iti San Fernando Bridge.

 

Ipatpatungpal met ti DPWH ti Metro Manila Priority Bridges Seismic Improvement

Project, a pakaibilangan ti retrofitting ken reinforcement ti Guadalupe Bridge ken ti Lambingan Bridge. Narugian idi 2019, naituding a malpas iti 2021. Ipasigurado daytoy ti kinatalged ti ag-365,000 a motorista a mangar-aramat iti Guadalupe Bridge ken ti ag30,257 a motorista a dumaldalan iti Lambingan Bridge iti inaldaw.

Anna Mae "Anime" Yu Lamentillo Logo
bottom of page